नेवा: सभ्यताया संस्कृति

सभ्यताया अर्थ सभ्य जुयगुया भाब खः | अले सभ्य धयागु सभा अर्थात मुनाः च्वने ल्व:म्ह खः | उकिं सभ्यता धयागु सकल मुनाः ल्वयक च्वनेगु पह्कथं निर्माण यानातःगु ज्या खः | नेवाःत नं न्हापंनिसें छथय् मुना: च्वनेगु यानाः न्ह्या:वःपिं जाति खः | थुगुजातिया न्येनेदुकथं (गोपालराजवंशावलि) न्हापांगु जाति गोपलत मालाखा धयागु थासं गां मुनाः थन च्वं:वगु व थुमिसं थन राज्य विस्तार यासें नेवाः संकृति धालसाँ सभ्यता व संस्कार आदि प्रारम्भ याःगु खः| उकिं मे:कथं धायेगु ख:सा थथे सकलें मुना: थवं थः जाना: समाजया विकासया निम्ति ल्वयेके यायेगु ज्या हे सभ्येता खः |

थ्व कथं सभ्यता धयागु छुं जाति वा राष्ट्रया मनु मुना: सामाजिक रुपं शिष्ट वो शान्ति जीवनया निम्ति यानातःगु थःगु बसोबास वो रहनसहनया उन्नति खः | नेवाः जातिया नं बसोबास वो रहन सहनया निम्ति निर्माण यानात:गु थःगु हे मौलिक सभ्यता दु | थःगू च्वनेगु थायया निम्ति नेवाःतसें न्हापाँनिसे विशेष उन्नति यागुः दु | थुकिया निम्ति विभिन्न खंया निर्माण या:गु खः | छ्थाय् मुना: च्वनीपिं जाति जूगुलिं नेवाःतसें थ:गु सभ्यता न्ह्याकेत गुलिखें छेंत जक मखु गुलिखे द्यो:(गने:ध्यो,भिन्ध्यो:, आदि) गल्लि, मुगः,चुक,ननि,लाछि,पसः,ज्यसः,लोहंहिटि,जःधुंहिटि,तुं,पुखू,धः,मङ्गा:,फलचा,फः,चपा:,दबू आदिया नं निर्माण यातसा गुलिखे त्वा: , ग:,गां,निगं,पुर,देश,अले राज्यत थ्यंक विकास आत |

अथेहे बिभिन्न नेवाःराज्य वो देश दुने कलात्मक लायकुत नं दयेकल | यें , यल खोपया मल्लकालीन कलात्मक लायकु ल्यं दनि | तर मानगृह,कैलाशकूट भवन आदि लिच्छबिकालिन दरवारया ल्यंपुल्यं तक नं थौं मदये धुंकल | अथेहे यक्व हे द्ध्यो:, दे:ग:,सत:,मठ,बही:आदि नं दयेकल | लोहंया तःधिकःपिं द्ध्यो: दयेकुगुली भुयुजःसि नारान्ध्यो , पलान्चोक भगवती ,येंया कालभैरव ,महान्का:ध्यो , स्वयम्भूया भगवान्ध्यो:त, यलशंखमूलया गणेद्द्यो: आदि वो धातुया भिन्द्द्यो:येंया,यालय नं न्हेथने बह जू | अथेहे देःग:या खंय् चाँगुया नारान्द्द्यो:, खोपया ङतपोल, यँदे:या तलेजु, जन्बहा: देग:, गोलया पशुपति दे:ग: , यालय महाबौद्ध, क्वन्ति महाद्द्यो:या ङतपोल, क्वा:बहा: देग:,तःबहा: देग:,किपूयाबाघभैरब देग:,भोंतया चन्देश्वरी देग:,नालाया पेतपोल भगवती देग:, पन्तिया इन्द्रेश्वर देग:, आदि नमुना दनि | खला देग:या तुना:सी बिभिन्न द्द्य:या कलात्मक बुट्टाया नापं यौन क्रिडा थाजोगु कला नं ब्बयातःगु दु | वास्तवय् शहर सभ्यता नेवाःतय विशेषता ख: |

नेवा:तसे नेपा:गालय् जक मखु थनं पिने ताता:पाक्क नं बजार वो नगरया निर्माण यात | थथे सभ्यता विकास यायेत नेवा:दुने धार्मिक,प्रशासनिक, ब्यापारी,कृषक आदि बर्गया नापं देक:मि,सिंक:मि लोहंक:मि, लुँक:मि, कंसाकार, ताम्राकार, चित्रकार आदि श्रमिक बर्गया बिभिन्न शैलिया कलात्मक योगदान महत्वपूर्ण जूगु दु |

निर्माण आदि सभ्यताया नापं हनाबना आदिया सभ्यता नं नेवा:तयके ब्वलना च्वंगु दु | नायुक खंल्हायगु,थ:स्वया: थकालिपिंत थ:गु रिवाज कथं भागिय,अनि यायेगु,ल्हा:ज्वरलपेगु, गथे द्दय: माँबौ माजु भा:त आदि पिन्त तुती भागियायेगु,गुरुपुरोहित पिन्त ल्हातय् भागियायेगु,मेपिं थाकलिपिंत छ्यं क्वछुया: अनि यायेगु,थ:मला:पिं म्हस्यूपिं थकालिपिंत ल्हा: ज्वजलपा: अनि यायेगु अले थकालिपिंस,भिंजुयेमा, भाग्यवानि जुयेमा धका: आशिर्बाद बीगु या: | अथेहे थकालिपिंत च्वय्पाखे तयेगु आदि शिष्टाचार नं दुसा मे:पिन्त झासं दिसं बिज्याहूं आदि कृयाया नापं ज्य:ना: बेलि कौला आदि संज्ञा प्रयोग यासे सभ्यता वो मान मिजासया ब्यबहार या: | अथेहे मिसातयत वो मचातयत स्नेह यायेगु सभ्यता नं दु | थ्वकथं हनाबना, नायुपह, शान्त स्वभाब नेवा: सभ्यताया चिं ख:|

shakya craft business card kb

समाज

१.जोशी     ११.आचाजु     २१.मल्ल      ३१.दुगु       ४१.फसि    ५१.लाभाछा  ६१.किसिमाक      ७१.जाकिसो     १.कसाः           १.महर्जन    १.बज्राचार्य         ११.नकर्मी   २१.मधिकर्मी   ३१.धौबन्जा
२.पःमा      १२.भंडेल      २२. कल्हे    ३२.वैद्य      ४२.डोंफैं     ५२.अमात्य   ६२.कराङकुरुङ  ७२.माथेमा       २.ताम्राकार      २.डंगोल     २.राजकर्णिकार  १२.हाडा     २२.मुनिकार   ३२.भुजु
३.भनि       १३.कचिङ    २३.भौ        ३३.भुजिं    ४३.महाभू     ५३.टट्टु      ६३.खाखिपुच       ७३.कायस्थ      ३.तुलाधर         ३.सुवाल     ३.बासुकला        १३.शाक्य   २३राजवंशी    ३३.धाख्वा
४.खोसीं     १४.डौंचंख    २४. चाकु    ३४.मिखुं    ४४.वकूला    ५४.शैजु      ६४.नेपाखाचा       ७४.बजिमय      ४.बनिया         ४.सिं,५.मू   ४.मुनंनकर्मी       १४.नापित   २४.ख्वाउजु   ३४.न्याछ्यो
५.वन        १५.विस्यत    २५.ग्वंगः     ३५.मास्के   ४५.नेवाः      ५५.ख्ये       ६५.सिङख्वा        ७५.पांयवजी     ५.शिलाकार    ६.प्रजापति  ५.रञ्जिकार         १५.कपाली  २५.मानन्धर   ३५.गोर्खाली
६.मुल्मी     १६.प्रधान      २६. साहि   ३६.वांला    ४६.चिपालु   ५६.लाखे     ६६.ध्वाकसिपो       ७६.केमिख्य     ६.स्थापित       ७.अवाःल   ६.राजोपाध्याय    १६.तमोट    २६.चित्रकार   ३६.लाकौल
७.छुच्चुं      १७.कसाछें    २७.कसु     ३७.तुकं     ४७.सिवलों  ५७.नेकु      ६७.प्रधानाङ्ग          ७७.धौभडेल     ७.सिख्राकार   ८.ग्वाला     ७.ब्यञ्जनकार      १७.शाही     २७.कारंंजित  ३७.लाखे
८.ख्याउं     १८.सुल्प्या     २८.मुस्या    ३८.दुवा     ४८.काउले  ५८.सिंह      ६८.राजभण्डारी      ७८.सिङक्यो     ८.सिन्दुराकार ९.काबुजा   ८.नगरकोटी       १८.देउला    २८.बलामी     ३८.चक्रधर
९.जासि      १९.न्याछ्यों    २९.पाउंछा ३९.वोके     ४९.छेन     ५९.साखः     ६९.कर्माचार्य          ७९.लायलव      ९.सेलालिक    १०.लावत   ९.ताण्डुकार       १९.बनिया    २९.उलक      ३९.साहूखल
१०.श्रेष्ठ       २०.मलेकू      ३०.काकः  ४०.वासिं     ५०.मल्टा   ६०.ढुसि       ७०.राजवंशी           ११.पहि(पहरी)  १०.गुरुवाचार्य  २०.माली    ३०.बिजूक्छे